Gutekereza uhereye ku ntandaro ugana ku ngaruka nta gaciro bifite niba usobanuye nabi ingaruka, nk’uko byakozwe n’abanyamateka b’Abadiventisiti b’i Lawodikiya, bavuga nk’abafite ubutware ku mimerere n’abantu byari bifitanye isano n’Inteko Rusange yo mu 1888 yabereye i Minneapolis. Igisobanuro cyahumetswe kigaragaza ko icyo cyabaye cyari ugusubiramo kw’ubwigomeke bwa Kora, Datani na Abiramu, bwatewe n’urubanza rwabageneye kuzerera mu butayu imyaka mirongo ine kugeza bapfuye. Urwo rubanza nyine ni na rwo rwari rwaraciwe ku Budiventisiti bw’i Lawodikiya.
Ubugome bwari bukubiyemo ibiganiro by’ibanga, aho abagome bari mu buhumyi bukabije bw’i Lawodikiya ku buryo byababuzaga gusobanukirwa ko Imana yari izi imigambi yabo yategurirwaga inyuma y’inzugi zifunze n’ubugome bwabo. Nk’uko Kora, Datani na Abiramu bihishaga mu mahema yabo bagacura imigambi yabo kandi bagakwiza ubugome bwabo barwanya Mose, ni ko n’abagabo ba kera bo mu 1888 bihishe inyuma y’inzugi zifunze z’inzu zabo, kugira ngo bacure umugambi wo kurwanya Mushiki wacu White, umuhungu we n’intumwa zatoranijwe. Uhereye icyo gihe, Mushiki wacu White, Jones na Waggoner bagombaga kugabwaho ibitero.
Ibyiciro bine by’Abadiventisiti byakomeje gukura buhoro buhoro mu bugome bwabyo bwo kwigomeka, nk’uko bigaragazwa muri Ezekiyeli igice cya munani. Ibyumba by’amashusho byo mu rusengero rw’umubiri no mu rusengero rw’umuntu byari byaramaze gushinga imizi mu bitekerezo bibi, kandi ubupfumu bw’umwuka bwari bwaratuye ku basaza ba kera bari barashyiriweho kurinda abantu. Mu gihe cyabanzirizaga 1888, abo basaza ba kera babanje gusiga ibara ku butware bwa Bibiliya, hanyuma no ku Mwuka w’Ubuhanuzi; kandi mu 1884, iyerekwa rigaragarira bose ryarahagaze. Ubupfumu bw’umwuka bwa panteyisime bwa Kellogg bwatangiye kwinjira mu mateka yabanzirizaga 1888, kandi 1888 iranga ukuza kw’icyiciro cya kabiri. Abanyamateka b’Abadiventisiti bashobora kuba bataranditse ubuhamya nyakuri bw’amateka bw’ubwigomeke bwagaragariye muri iyo nama, ariko nk’uko Byahumetswe bivuga, Abarinzi bo mu ijuru “bumvise ijambo ryose kandi bararyandika,” ari yo “magambo yo mu bitabo byo mu ijuru.”
Ubugome bugaragajwe n’“ibyumba by’amashusho by’ibanga” bya Ezekieli, bwari igitero ku musingi nyakuri. Bwagaragazaga igitero ku muhanuzi-kazi no ku ntumwa zatoranyijwe, kandi bwagaragaje ukuza kw’imizimu. Muri icyo gihe cy’abo bantu, igitero gikomeye cyakurikiyeho cyagombaga kugabwa na Satani ku musingi nyir’izina w’imfatiro za William Miller.
Miller yubakiye uruhurirane rw’ibyo yashyiraga ku buhanuzi byose ku gusobanukirwa ko ububasha bubiri bw’ikorwa ry’ukurimbura buvugwa muri Daniyeli 8:13 bwagereranyaga ubupagani bukurikiwe n’ubupapa. Mu mwaka wa 1901, Lewis Conradi, umwe mu bayobozi b’Abadivantisiti b’i Lawodikiya mu Budage, yongeye kwinjiza imyumvire y’Abaporotesitanti baguye ivuga ko “ibya buri munsi” byo mu gitabo cya Daniyeli byagereranyaga umurimo wa Kristo wo mu buturo bwera.
Mu gihe cy’amateka cyakurikiye inama ya Minneapolis yo mu 1888, ubupfumu bwo mu by’umwuka bw’umuyobozi w’umurimo w’ubuzima bwakomeje kwiyongera, kandi ukwitaranya kw’abayobozi gukomeza hagati yabo, kuko ingaruka z’ukwanga ubutumwa bwa Jones na Waggoner zakomeje kubagabanyiriza imbaraga. Mu ntangiriro z’ikinyejana gishya, W. W. Prescott, umuyobozi w’Umudiventisiti w’i Lawodikiya wari warahawe impamyabumenyi za tewolojiya n’amashuri y’Abaporotesitanti bateshutse, yambaye umwitero wa Satani kugira ngo ateze imbere inyigisho ya Conradi yerekeye “ibya buri munsi,” kandi nk’uko bihora bigenda, “abatsinze ni bo bandika amateka.”
Abamarayika bera banditse amateka nyakuri, ariko Ubuga-ndwi bw’Abadiventisiti b’i Lawodikiya bwashyizeho icyerekezo cy’amateka y’impaka zerekeye kwangwa kw’imyumvire ya Miller ku byitwa “ibya buri munsi,” ku buryo hari uwo ari we wese wo mu “batize” bo muri Ubuga-ndwi bw’Abadiventisiti b’i Lawodikiya usigara yemera ko insobanuro y’“ibya buri munsi,” Mushiki wa White yavuze ko yaturutse ku “bamarayika birukanywe mu ijuru,” ari inyigisho y’ukuri koko. Mu myaka ya mbere y’ikinyejana cya makumyabiri, W. W. Prescott yabaye ku isonga mu gutegura igitabo cyiswe The Protestant. Inshingiro yose y’icyo gitabo yari iyo kwigisha ko imyumvire ya Miller ku “bya buri munsi” yari atari yo, kandi ko Uprotestanti bwahakanye ukwizera, aho yari yarakuye impamyabumenyi ze za tewolojiya, bwari bwo bwari bufite ukuri mu guha Kristo ikimenyetso cya Satani. Muri ayo mateka A. G. Daniells (Perezida w’Inteko Rusange), yifatanyije na Prescott muri icyo gitero cya satani cyagabwagaho ukuri, n’ubwo Mushiki wa White yari yaramaze kwemeza ku buryo butaziguye ko imyumvire ya Miller ku “bya buri munsi” ari yo nyakuri.
“Uwiteka yanyeretse ko imbonerahamwe ya 1843 yayoborwaga n’ukuboko kwe, kandi ko nta gice na kimwe cyayo cyagombaga guhindurwa; ko imibare yari uko yashakaga ko iba. Ko ukuboko kwe kwari kuri yo, kugahisha ikosa ryari muri imwe mu mibare, ku buryo nta wushoboraga kuribona, kugeza aho ukuboko kwe kuvanweho.
“Hanyuma mbona, ku byerekeye ‘Ihoraho,’ yuko ijambo ‘igitambo’ ryongereweho n’ubwenge bw’abantu, kandi ko ritari iryo mu mwandiko; kandi ko Uwiteka yahaye imyumvire nyayo y’ibyo abatangaje ubutumwa bw’igihe cy’urubanza. Igihe ubumwe bwari bugihari, mbere ya 1844, hafi ya bose bari bahuje ku myumvire nyayo y’‘Ihoraho;’ ariko uhereye mu 1844, mu rujijo, hafashwe indi myumvire, maze hakurikiraho umwijima n’urujijo.” Review and Herald, November 1, 1850.
Mu gihe cy’igitero cya Prescott na Daniells barwanyaga ukuri kw’“iby’iteka,” Prescott na Daniells bari bahagarariye igitekerezo cy’abake kuri iyo ngingo, kandi inama ya Mushiki wa White yabahaga muri icyo gihe cy’impaka yari iy’uko bagombaga guceceka, nubwo yabivuze mu mvugo irushaho kugira amakenga, nk’iyi ngo “ubwenge bwanyu buri mu guceceka.” Igihe yabacyahaga ku bw’imyumvire yabo y’ibinyoma, yanashimangiye ko ingingo y’“iby’iteka” itagombaga guhindurwa ikibazo cy’igerageza. Abahindura amateka, aho iyo myumvire yo guhindura amateka ari uburyo bw’inyandiko z’amateka bwitirirwa gutangirira mu muryango w’Abayezuwiti bo muri Kiliziya Gatolika, bakoresheje amagambo ye yerekeye ko “iby’iteka” bitagomba guhindurwa ikibazo cy’igerageza kugira ngo babuze isuzumwa ry’ukuri kandi ritabogamye ry’iyo nyigisho. Bagoreka amagambo ye, kuko uko byagenda kose basiga inyuma ko igihe yatangaga inama yo kutabyutsa impaka ku ngingo y’“iby’iteka,” buri gihe yaherekezaga ayo magambo n’andi nk’aya ngo, “muri iki gihe,” cyangwa “mu bihe biriho ubu.”
Nk’umuhanuzikazi, yarageragezaga kugabanya no kugenzura impaka zari zirushaho gukara zari zigeze hafi guteza amacakubiri akomeye mu itorero muri rusange, zatezwaga n’agatsiko k’abantu batekerezaga ko, kubera ko bari abayobozi, bafite uburenganzira bwo guteza imbere icyo ari cyo cyose bo ubwabo bemeje ko ari ukuri. Kandi Uwiteka, abinyujije mu ngaruka z’ubuhamya bwe, yakomeje kuburizamo no kubuza umurimo wa Satani gukomeza, kugeza apfuye. Hanyuma mu mwaka wa 1931, hageragejwe indi gahunda nshya yo kwanga ukuri kw’“ibya buri munsi,” kandi amaherezo biragerwaho. Uyu munsi gusobanukirwa nyakuri n’insobanuro y’“ibya buri munsi” ni ko gusobanukirwa gufitwe n’abari bake muri Adventisime y’i Lawodikiya, kandi mu mimerere iriho ubu, “ibya buri munsi” rwose ni ikibazo cy’igerageza.
Iyo igitekerezo cyari gishyigikiwe na benshi igihe cyabaga gifite gusobanukirwa nyakuri, nticyabaga ikigeragezo; ariko iyo ukuri kwose gusobanuwe ko ari ikosa, icyo gihe kiba ikigeragezo. Igihe icyegeranyo cy’inyandiko cyiswe Manuscript Releases cyasohorwaga mu myaka ya 1980, cyangwa hafi yayo, icyo gihe hamenyekanye ingingo ihinyura mu buryo butaziguye uko Prescott na Daniells babonaga “the daily,” nk’uko anashyigikira uko Miller yabibonaga.
“Muri iki cyiciro cy’ubunararibonye bwacu, ntitugomba kureka ko ibitekerezo byacu bikurwaho n’umucyo wihariye twahawe [ngo tuwitekerezeho] mu iteraniro rikomeye ry’inama yacu. Kandi hariho Mwene Data Daniells, uwo umwanzi yakoreragamo mu bitekerezo bye; kandi ibitekerezo byawe n’ibitekerezo bya Elder Prescott byakorwagaho n’abamarayika birukanywe mu ijuru. Umurimo wa Satani wari uwo kuyobya ibitekerezo byanyu kugira ngo hazanirwemo utuntu n’utundi tudafite agaciro kandi Umwami atabahumekeye kubizana. Ntibyabaga ari iby’ingenzi. Ariko ibyo byari bifite ubusobanuro bukomeye ku murimo w’ukuri. Kandi ibitekerezo byo mu mitima yanyu, iyo muba mwarashoboye gukururwa n’utwo duto n’utundi tudafite agaciro, iba ari umurimo w’uburiganya bwa Satani. Mukeka ko gukosora utuntu duto mu bitabo byanditswe byaba ari ugukora umurimo ukomeye. Ariko nategetswe kuvuga nti, Guceceka ni ubuvugizi bukomeye.”
“Ngomba kuvuga nti: Hagarika gushakisha inenge. Iyo uyu mugambi wa satani uza kuba ushoboye gushyirwa mu bikorwa gusa, noneho biboneka kuri mwe ko umurimo wanyu wari gufatwa nk’uw’agatangaza cyane mu mitekerereze yawukomotseho. Byari umugambi w’umwanzi gukusanyiriza hamwe ibintu byose byakekwagaho ko bitemewe aho ibyiciro byose by’ubwenge butandukanye bitumvikanaga.”
“Nuko se? Umurimo nyirizina ushimisha Satani ni wo wari kubaho. Hari gutangwa ishusho ku bo hanze y’ukwizera kwacu idahuje n’ukwizera kwacu, ahubwo ihuye n’ibyo bo bifuza, kandi ibyo byari guteza imbere ingeso z’imico zari kuzana urujijo rukomeye no gutwara ibihe by’izahabu byagombaga gukoreshwa n’umwete mu kugeza ku bantu ubutumwa bukomeye. Uburyo bwo gutanga inyigisho ku ngingo iyo ari yo yose twakozeho ntibwashoboraga guhuza bwose, kandi ingaruka zabyo zari kuba urujijo mu mitekerereze y’abizera n’abatizera. Icyo ni cyo rwose Satani yari yarateguye ko kibaho—ikintu cyose cyashoboraga gukabirizwa nk’ukutumvikana.”
“Soma Ezekiyeli, igice cya 28. Noneho, hano hari umurimo ukomeye, aho imyuka y’amayobera ishobora kugaragara. Ariko Uwiteka afite umurimo ugomba gukorwa wo gukiza ubugingo burimbuka; kandi imyanya Satani, yihinduye akandi kageni, ashobora kwinjiramo, azana urujijo mu nzego zacu, azayikora mu buryo bwuzuye, kandi ayo matandukaniro mato yose azagurwa, agaragare cyane.”
“Kandi neretswe uhereye mbere na mbere ko Uwiteka atahaye haba Umusaza Daniells cyangwa Prescott umutwaro w’uyu murimo. Mbese amayeri ya Satani akwiriye kwinjizwamo, kandi iri “Daily” rikagirwa ikintu gikomeye bene aka kageni, ku buryo ryazanwa kugira ngo rijijishe ibitekerezo kandi ribuze umurimo gutera imbere muri iki gihe gikomeye? Ntibikwiye, uko byaba biri kose. Iyi ngingo ntikwiriye kwinjizwamo, kuko umwuka wajyanwamo waba utesha agaciro, kandi Lusiferi ari maso akurikirana buri gikorwa cyose. Ibikoresho bya satani byahita bitangira umurimo wabyo, kandi urujijo rukinjizwa mu nzego zacu. Nta muhamagaro mufite wo guhigisha uruhindu itandukaniro ry’ibitekerezo ritari ikibazo cyo kugerageza; ahubwo guceceka kwanyu ni ubutumwa bukomeye. Icyo kibazo cyose ngifite imbere yanjye mu buryo busobanutse rwose. Iyaba dayimoni yashoboraga kugusha umwe mu bantu bacu muri izo ngingo, nk’uko yari yarabigambiriye, umurimo wa Satani wari gutsinda. Ubu rero umurimo ugomba guhita utangira bidatinze, kandi ntihakagire igitekerezo cyo kutumvikana kivugwa.”
“Satani yari gutera abo bagabo batuyemo bakadusohokamo kwifatanya n’abamarayika babi no kudindiza umurimo wacu kubera ibibazo bidafite umumaro, kandi mbega ibyishimo [byabayo] mu nkambi y’umwanzi. Mwihuze, mwihuze. Itandukaniro ryose rihambwe. Umurimo wacu ubu ni ugushyira imbaraga zacu zose z’umubiri n’iz’ubwonko n’imitsi yabwo yose mu gukuraho ayo matandukaniro, kandi bose bagahuza. Iyaba Satani, hamwe n’ubwenge bwe bukomeye butiyejejwe, yakwemererwa kubona n’aho afatira hato cyane, [yari kwishima].”
“Noneho, igihe nabonaga uko mwakoraga, ubwenge bwanjye bwahise busobanukirwa n’imimerere yose y’icyo kibazo n’ingaruka zari kubaho muramutse mukomeje mugaha abavuyemo amahirwe n’ayo ari yo yose yo kuzana urujijo mu nzego zacu. Kubura ubwenge kwanyu ni ko Satani yashakaga rwose. Itangazo ryanyu riranguruye ntiryari riri munsi y’ubuhumekero bwa Mwuka Wera. Nategetswe kubabwira yuko gushakisha inenge mu nyandiko z’abagabo bayobowe n’Imana bidahumetswe n’Imana. Kandi niba ubwo ari bwo bwenge Umukuru Daniells yahaga abantu, rwose ntimukamuhere umwanya wemewe mu buyobozi, kuko adashobora gutekereza ahereye ku mpamvu akagera ku ngaruka. Kuri iyi ngingo, guceceka ni bwo bwenge bwanyu. Noneho, ikintu cyose kimeze nko gushakisha inenge mu bitabo by’abagabo batakiriho, si umurimo Imana yahaye n’umwe muri mwe gukora. Kuko iyo abo bagabo—Abakuru Daniells na Prescott—baza kuba barakurikije amabwiriza bahawe mu gukorera imigi, abantu benshi, koko benshi, baba baremeye ukuri kandi barahindutse, abagabo bashoboye bo [ubu] bari mu myanya aho batazigera bagerwaho.”
“Abatuye isi yose bagomba gufatwa nk’umuryango umwe mugari. Kandi ubwo mufite isoko nk’iryo ry’ubumenyi bwo kuvomamo, ni iki cyatumye mureka isi ikamarana imyaka irimbuka kandi ifite ubuhamya twahawe n’Umwami wacu Yesu Kristo? Idini nyakuri ritwigisha gufata buri mugabo n’umugore nk’umuntu dushobora kugirira neza.
“Ibi byamaze imyaka myinshi biri mu icapiro: ‘Ubwenge Buringaniye,’ ubuhamya bwandikiwe Umukuru Andrews. Ubwenge bushobora gutozwa bukaba imbaraga zo kumenya igihe cyo kuvuga n’imitwaro yo kwikorera no kwihanganira, kuko Kristo ari We Mwigisha wawe. Kandi nagize ubwoba bwinshi ku bwawe [igihe nabonaga] ushyira hejuru ubwenge bwawe kandi ugakurikiza inzira yo kwinjiza itandukaniro ry’ibitekerezo. Uwiteka ahamagarira abagabo b’abanyabwenge bashobora guceceka igihe [ari] ubwenge kuri bo kubigenza batyo. Niba ushaka kuba umuntu wuzuye, ukeneye kwezwa binyuze muri Yesu Kristo. Ubu hari umurimo ukimara gutangira, kandi ubwenge nibubonekere muri buri muvugabutumwa, muri buri muyobozi wa [a] konferanse. Ariko hano hari umurimo wagombaga gufatirwaho na we hashize imyaka aho wari ukenewe kuzamura ijwi ryawe ku bw’uyu murimo nyir’izina. Kristo yahaye abantu Be bose amabwiriza yihariye y’ibyo bagomba gukora n’ibyo batagomba gukora. Kandi hasigaye igihe gito kugira ngo dukore gukiranuka k’Uwiteka. Ushobora gusobanukirwa inzira y’Uwiteka. Nabonye umugambi wawe wo kuyobora ibintu nk’uko wabyitekereje ubwawe nyuma y’uko ushyizweho nka perezida. Wari waratekereje ko uzakora ibintu bitangaje, byari kuba umurimo Imana itari yarashyize mu maboko yawe ngo uwukore. Ubu umurimo wawe si uwo gukandamiza, ahubwo ni uwo kurekura buri gikenewe cyose bishoboka niba Uwiteka yarakwemeye ngo ukore umurimo. Ariko hakiri kare cyane watanze ibimenyetso by’uko ubwenge n’urubanza rwejejwe bitagaragajwe nawe. Washyize ahagaragara ibibazo bitari kwakirwa keretse Uwiteka abanje gutanga umucyo.”
“Nigishijwe ko izo ngamba zihutiye gufatwa zitagombaga gufatwa, nko kugutoranya ngo ube perezida w’inama ndetse no mu wundi mwaka. Ariko Uwiteka abuza ko habaho ukundi kugirana ibintu gutyo byihuse kugeza ubwo icyo kibazo kizashyikirizwa Uwiteka mu isengesho; kandi nk’uko wahawe ubutumwa bukugeraho ko umurimo w’Uwiteka ushinzwe perezida ari inshingano ikomeye cyane kandi yera, nta burenganzira na bumwe bw’imyitwarire wari ufite bwo kwaduka uko wabigenje ku kibazo cy’‘Daily’ ngo utekereze ko ijambo ryawe ryagira icyo rihitamo kuri icyo kibazo. Hariho Umusaza Haskell, watwaye inshingano ziremereye, kandi hariho Umusaza Irwin n’abandi bagabo benshi navuga bafite inshingano ziremereye.”
“Ubaha bwanyu ku bagabo b’inararibonye bwari he? Ni ubuhe butware mwashoboraga gukoresha mutabanje kujyana abagabo bose b’inshingano kugira ngo basese impamvu y’iki kibazo? Ariko noneho nimucyo dusuzume iki kibazo. Ubu tugomba kongera gutekereza niba ari urubanza rw’Umwami, imbere y’umurimo wirengagijwe, ko mwagaragaza umwete wo gukomeza uwo murimo undi mwaka wose. Niba mukomeza uwo murimo undi mwaka mubifashijwemo n’abazifatanya namwe, hagomba kubaho impinduka muri mwe no muri Pasiteri Prescott. Kandi mwicishe bugufi mu mitima yanyu imbere y’Imana. Uwiteka azaboneramo muri mwe kugaragaza ubundi bunararibonye butandukanye, kuko niba harigeze kubaho abagabo bakeneye kongera guhinduka rwose muri iki gihe cya none, ni Pasiteri Daniells na Pasiteri Prescott.”
“Abagabo barindwi bakwiriye gutoranywa, bakaba ari abantu b’ubwenge kandi, binyuze mu murimo w’ubuntu bw’Imana, bakagaragaza ibimenyetso by’uguhindukira bushya. Kuko umuntu wese wahumishijwe bene ako kageni ku buryo adashobora gutekereza ava ku mpamvu ajya ku ngaruka, ku buryo yakwirengagiza abantu bitwaje inshingano z’umurimo n’aba bayobozi b’amakonferansi, [ku buryo] abantu [bo] batwaye umurimo mu gihe kirenze imyaka ibiri basuzugurwa, maze ingaruka nk’iyo y’ubuhubutsi igakurikiraho, ku buryo abantu bareka kwita ku murimo ubwawo washyizwe imbere yabo imyaka myinshi—umurimo wo gukorera imigi—kandi ntihagire, cyangwa hakagireho ak’attention gake cyane, ku basaza kugira ngo bagishwe inama, ahubwo bakabwiriza abantu ibintu bo bihitiyemo kubaha, ibyo ubwabyo bihamya ukudatekana kw’abo bantu kugira ngo bahabwe kwizirwa umurimo ukomeye kandi utangaje bene uwo.”
“Kristo ntapfuye. Ntazigera yemera ko umurimo We ukomeza muri ubu buryo budasanzwe. Nimureke ibitabo uko biri. Niba hari impinduka iyo ari yo yose ya ngombwa, Imana izatuma habaho ubwuzuzanye muri iyo mpinduka bukwiriye, ariko iyo ubutumwa bwaragijwe abantu bafite inshingano zikomeye zibukubiyemo, [Imana] isaba ubudahemuka bukorera mu rukundo kandi bugatunganya ubugingo. Abakuru Daniells na Prescott bombi bakeneye guhinduka bundi bushya. Hinjiye umurimo w’amayobera, kandi ntubangikanye n’umurimo Kristo yazanywe no gukorera mu isi yacu; kandi abahindutse by’ukuri bose bazakora imirimo ya Kristo.
“Twebwe twese gukora umurimo uzahesha Data icyubahiro. Tugeze mu gihe gikomeye cyo guhitamo—cyangwa guhuza imico yacu n’iya Yesu Kristo muri iki gihe nyir’izina cyo kwitegura, cyangwa se kutagerageza na gato [kubikora]. Mukuru Daniells, [ntukwiriye] kumva ko ufite uburenganzira bwo gutuma ijwi ryawe ryumvikana hejuru nk’uko wabigenje mu bihe bisa n’ibi. Kandi musobanukirwe ko perezida w’inama atari umutware. Akorana n’abagabo b’abanyabwenge bari mu mwanya wa ba perezida Imana yemeye. Nta burenganzira afite bwo kwivanga mu nyandiko zo mu bitabo byacapwe ziturutse ku makaramu Imana yemeye. Ntabwo bagomba gukomeza gutegeka keretse bagaragaje kugabanya imbaraga zo gutegeka no gutegekesha igitugu. Igihe gikomeye kirasohoye, kuko Imana izasuzugurwa.”
“Uwiteka areba ate ibisagara bitarakorerwamo? Kristo ari mu ijuru. Ubu kwemera kwabyo ni uku, ngo: ‘Nta butegetsi bwa cyami buriho. Kandi none ni yo ngorane y’iyi si. Ubu ndi Jye Mbaraga yo gukiza cyangwa kurimbura. Ubu ni bwo gihe aho iherezo rya bose riri mu maboko Yanjye. Natanzwe ubugingo Bwanjye kugira ngo nkize isi. Kandi “Nanjye, nimanikwa hejuru,” ubuntu bukiza nzatanga buzagaragaza ko abashaka bose guhindurwa bashushanywe n’ishusho y’ubumana kandi bakaba umwe nanjye, bazakora nk’uko nkora, bakoresheje imbaraga zanjye z’ubuntu bucungura.’ Ushaka wese, [nahamatane] na bene Se gukora umurimo bahawe gukora igihe bari mu myanya y’inshingano bayobowe n’inama Uwiteka atanga, kandi ashakashake abikuye ku mutima wose gukorana mu bwuzuzanye bwuzuye n’Uwo wakunze isi cyane akayitangira ubugingo Bwe ho igitambo cyuzuye cyo gukiza isi. Ndabwira abavugabutumwa bacu yuko, igihe binjiye mu murimo wo mu bisagara byacu, hakwiye kujyana n’umurimo w’Ijambo umutuzo wera. Ntidushobora kugira icyo dushyira mu mitima y’abantu nk’uko bikwiriye niba twe...”
“Nandukura mu Gitabo cyanjye cy’Ibyabaye. Ukuri nk’uko kuri muri Yesu—mukuvuge, mukusengere, mwemere ijambo ryose mu bworoherane bwako. Mwunguka iki niba amakosa ashyikirijwe abantu bateshutse ku kwizera bakumvira imyuka iyobya, abantu batari kera bari kumwe natwe mu kwizera? Muzahagarara ku ruhande rwa Satani? Mwitondere imirima itarakorwamo umurimo. Imbere yacu hari umurimo ugomba gukorwa ku isi yose. Nahawe ibigaragaza byerekeye John Kellogg.”
“Umuntu wari ufite isura ikurura cyane yari ahagarariye ibitekerezo by’ingingo z’ubwumvane zishukana yarimo atanga, ari inyigisho zitandukanye n’ukuri nyakuri kwa Bibiliya. Kandi abari bashonje kandi banyotewe ikintu gishya bari bageza imbere ibitekerezo [bishukana cyane] ku buryo Umukuru Prescott yari mu kaga gakomeye. Umukuru Daniells yari mu kaga gakomeye [ko] kwizingira mu buyobe ko iyo ayo mahame yavugirwa hose byaba nk’isi nshya.”
“Yego, byari kuba bityo, ariko mu gihe ubwenge bwabo bwari bwarabaye nk’ubwibasiwe n’ibyo, neretswe ko Umuvandimwe Daniells n’Umuvandimwe Prescott barimo kuboha mu mibereho yabo ibitekerezo bifite ishusho y’ibya mwuka [spiritualistic], kandi bakururira abantu bacu ku byiyumvo byiza byashukana, iyo bishoboka, n’intore ubwazo. Ngomba kugaragaza n’ikaramu yanjye [uko byari bimeze] ko abo bavandimwe bari kuzabona inenge ziri mu bitekerezo byabo biyobya, inenge zari gutuma ukuri kujya mu gushidikanywaho; kandi [nyamara] bo [bakari] kwihagararaho nk’[aho bafite] ubushishozi bukomeye mu bya mwuka. Ubu ngomba kubabwira [ko] igihe neretswe icyo kibazo, ubwo Umukuru Daniells yazamuraga ijwi rye nk’impanda ashyigikira ibitekerezo bye byerekeye ‘Iby’Iteka,’ herekanywe ingaruka zari kuzakurikiraho. Abantu bacu bari bagenda bayoberwa. Nabonye ingaruka zabyo, hanyuma mpabwa imiburo y’uko, niba Umukuru Daniells, atitaye ku ngaruka zizavamo, yari gukomeza gutwarwa n’iyo myumvire bityo akemera ko ayoborwa n’umwuka w’Imana, gushidikanya kwari kubibwa mu nzego zacu hose, kandi twari kugera aho Satani yari kujyanira ubutumwa bwe. Kutizera no gushidikanya gukomeye byari kubibwa mu mitima y’abantu, kandi imyaka mibi y’ibitangaza yari gusimbura ukuri.” Manuscript Releases, volume 20, 17–22.
Amateka y’igisekuru cya kabiri agaragaza ukwiyongera kw’ubwigomeke. Ubupfumu bw’umwuka bugereranywa n’ibyumba by’amashusho bya Ezekiyeli busobanura ko “Mwene Data Daniells na Mwene Data Prescott barimo bohereka mu mibereho yabo ibitekerezo bifite isura y’ubupfumu bw’umwuka kandi bakururira ubwoko bwacu ku byiyumvo byiza byabashuka, iyaba byashobokaga, ndetse n’intore ubwazo.” Ubupfumu bw’umwuka bujyanye n’imyumvire y’ibinyoma yerekeye “iby’iteka,” ni ikimenyetso cy’ibyo, iyaba byashobokaga, byashuka ndetse n’intore ubwazo. Ahuza hamwe ubupfumu bw’umwuka bwa panteyizimu bwatezwaga imbere na Kellogg n’umuhate wa Prescott na Daniells wo gusobanura “iby’iteka” nk’umurimo wa Kristo wo mu buturo bwera.
Arabwira ko bagomba kureka ibitabo uko biri, kandi muri ibyo yavugaga ku muhate wa Prescott na Daniells wo kongera kwandika igitabo cya Uriah Smith, Daniel and the Revelation, kugira ngo bakuremo inyigisho ye yagaragazaga “the daily,” nk’uko Miller na we yayigaragaje. Abahindura amateka ba Laodikiya, abo Yesaya yita “abize”, bakoze umurimo ukomeye cyane ku batize b’Abadiventisiti, kuko bagoretse ubuhamya bw’amateka kugira ngo bayobye abafite amatwi aryaryatwa n’ingeso yo kwiga bidafite ubujyakuzimu, batekerezwe ko ingingo ya “the daily,” idafite akamaro, kandi ko Miller yari yibeshye kuri iyo ngingo. Uwo murimo wo guhindura ibintu ni umwe mu myanda Miller yeretswe wagombaga gukurwaho n’umugabo ufite uburoso bwo gukubura umwanda, mu gihe kwigaragaza k’ubushobozi bw’Imana mu Midnigth Cry kuzongera gusubirwamo.
Mu ngingo itaha tuzakomeza gusuzuma igisekuru cya kabiri cy’Ubwadivantisiti bw’i Lawodikiya.
“Ubutumwa bugira buti, ‘Mujye mukomeza mutere imbere,’ buracyakwiye kumvikana no kubahwa. Imimerere itandukanye iri kuba mu isi yacu ihamagarira umurimo uzahuza n’izo mpinduka zidasanzwe. Uwiteka akeneye abantu bafite ubushishozi bw’umwuka kandi bareba kure, abantu bakoreshejwe na Mwuka Wera, kandi rwose bahabwa manu nshya iturutse mu ijuru. Mu ntekerezo z’abo bantu, Ijambo ry’Imana rirasirana umucyo, rikabahishurira kurusha mbere hose inzira itekanye. Mwuka Wera akorera mu bwenge no mu mutima. Igihe kirasohoye ubwo, binyuze mu ntumwa z’Imana, umuzingo urimo urapfundururwa ngo ugaragarizwe isi. Abigisha bo mu mashuri yacu ntibakwiye na rimwe gukomatanyirizwa no kubwirwa ko bagomba kwigisha gusa ibyigishijwe kugeza ubu. Ibyo bibazo nibikurweho. Hariho Imana itanga ubutumwa ubwoko bwayo bugomba kuvuga. Ntimukemere ko umukozi w’ubutumwa uwo ari we wese yumva aboshywe cyangwa agererwa ku gipimo cy’abantu. Ubutumwa bwiza bugomba gusohozwa hakurikijwe ubutumwa Imana yohereza. Icyo Imana iha abagaragu bayo kuvuga uyu munsi, birashoboka ko kitari ukuri kw’iki gihe imyaka makumyabiri ishize, ariko ni ubutumwa bw’Imana bw’iki gihe.” The 1888 Materials, 133.