Historia Iliyofichika ya Mstari wa Arobaini - Namba Kumi na Tisa

“Katika Ufunuo, vitabu vyote vya Biblia hukutana na kufikia tamati. Hapa ndipo kuna ukamilisho wa kitabu cha Danieli.” Matendo ya Mitume, 585.

“Ni afadhali zaidi kujifunza, katika nuru ya neno la Mungu, sababu zinazosimamia kuinuka na kuanguka kwa falme. Acha vijana wajifunze kumbukumbu hizi, na waone jinsi ustawi wa kweli wa mataifa ulivyofungamanishwa na kuukubali kwa kanuni za kimungu. Na asome historia ya harakati kubwa za matengenezo, na aone jinsi ambavyo kanuni hizi, ingawa zilidharauliwa na kuchukiwa, na watetezi wake kupelekwa gerezani na kwenye jukwaa la kunyongwa, hata hivyo kupitia dhabihu hizi zenyewe zimeshinda.” Education, 238.

“Kila taifa ambalo limejitokeza katika jukwaa la matendo lameruhusiwa kushika mahali pake duniani, ili ionekane kama lingetimiza kusudi la ‘Mlinzi na Mtakatifu.’ Unabii umefuatilia kuinuka na kuanguka kwa falme kuu za ulimwengu—Babeli, Umedi na Uajemi, Ugiriki, na Roma. Kwa kila mojawapo ya hizi, kama ilivyokuwa kwa mataifa yenye nguvu ndogo zaidi, historia ilijirudia. Kila moja lilikuwa na kipindi chake cha jaribu, kila moja lilishindwa, utukufu wake ukafifia, uwezo wake ukaondoka, na mahali pake pakachukuliwa na jingine....”

“Kutokana na kuinuka na kuanguka kwa mataifa kama kunavyowekwa wazi katika kurasa za Maandiko Matakatifu, wanapaswa kujifunza jinsi lilivyo duni utukufu wa nje tu na wa kidunia. Babeli, pamoja na uwezo wake wote na fahari yake, mfano wake ambao ulimwengu wetu haujapata kuuona tena tangu wakati huo,—uwezo na fahari ambavyo kwa watu wa siku ile vilionekana kuwa imara na vya kudumu sana,—imepitilia mbali kwa ukamilifu kiasi gani! Kama ‘ua la majani’ imeangamia. Ndivyo huangamia kila kitu kisichokuwa na Mungu kuwa msingi wake. Ni kile tu kilichounganishwa na kusudi Lake na kinachoidhihirisha tabia Yake ndicho kiwezacho kudumu. Kanuni Zake ndizo peke yake zilizo imara ambazo ulimwengu wetu unazijua.” Education, 177, 184.

Mtu awaye yote asiwadanganye kwa njia yo yote; kwa maana siku hiyo haitakuja, isipokuwa kwanza kuwe na kuasi, naye yule mtu wa dhambi kufunuliwa, mwana wa uharibifu; yeye ampingaye na kujitukuza juu ya kila kiitwacho Mungu, au kiabudiwacho; hata yeye mwenyewe kuketi katika hekalu la Mungu kama ndiye Mungu, akijionyesha nafsi yake kana kwamba yeye ndiye Mungu. 2 Wathesalonike 2:3, 4.

Naye akafungua shimo lisilo na mwisho; na kutoka katika lile shimo ukapanda moshi, kama moshi wa tanuru kubwa; na jua na anga vikatiwa giza kwa sababu ya moshi wa lile shimo. Na kutoka katika ule moshi wakatoka nzige juu ya nchi; nao wakapewa uwezo, kama nge wa nchi walivyo na uwezo. Nao wakaamriwa wasidhuru majani ya nchi, wala kitu chochote kibichi, wala mti wowote; ila watu wale tu wasio na muhuri wa Mungu katika vipaji vya nyuso zao. Ufunuo 9:2–4.

Yuda, ndiwe ambaye ndugu zako watakusifu; mkono wako utakuwa juu ya shingo za adui zako; wana wa baba yako watainama mbele yako. Yuda ni mwana wa simba: umetoka katika mawindo, mwanangu, umepanda juu; ameinama, amejikunyata kama simba, na kama simba mzee; ni nani atakayethubutu kumwamsha? Fimbo ya enzi haitaondoka kwa Yuda, wala mtoa sheria kutoka kati ya miguu yake, hata atakapokuja Shilo; na kwake ndiko kutakuwa kukusanyika kwa mataifa. Akimfunga mwana-punda wake kwenye mzabibu, na mwana wa punda wake kwenye mzabibu ulio bora; alifua mavazi yake katika divai, na nguo zake katika damu ya zabibu: Macho yake yatakuwa mekundu kwa divai, na meno yake meupe kwa maziwa. Mwanzo 49:8–12.

Naye atakuwa mtu wa mwitu; mkono wake utakuwa juu ya kila mtu, na mkono wa kila mtu juu yake; naye atakaa mbele ya ndugu zake wote.

Baada ya hayo kulikuwako sikukuu ya Wayahudi; naye Yesu akakwea kwenda Yerusalemu. Basi huko Yerusalemu, karibu na lango la kondoo, kuna birika liitwalo kwa lugha ya Kiebrania Bethesda, lenye kumbi tano. Ndani yake walikuwa wamelala umati mkubwa wa wagonjwa, vipofu, viwete, na waliopooza, wakingojea maji kutibuliwa. Kwa maana malaika alishuka wakati fulani ndani ya birika hilo, akayatibua maji; na mtu ye yote aliyeingia kwanza baada ya maji kutibuliwa aliponywa ugonjwa wo wote aliokuwa nao. Na hapo palikuwapo mtu mmoja aliyekuwa na udhaifu wake muda wa miaka thelathini na minane. Yesu alipomwona amelala, na akijua ya kuwa amekuwa katika hali hiyo tangu zamani, akamwambia, Je! wataka kuwa mzima? Yule mgonjwa akamjibu, Bwana, sina mtu wa kunitia ndani ya birika maji yatibuliwapo; lakini ninapokuja mimi, mwingine hushuka mbele yangu. Yesu akamwambia, Ondoka, jitwike godoro lako, uende. Mara yule mtu akawa mzima, akajitwika godoro lake, akaenda; na siku hiyo ilikuwa Sabato. Yohana 5:1–9.

Basi ondoka sasa, nikasema, mkavuke kijito cha Zeredi. Nasi tukavuka kijito cha Zeredi. Na muda ambao tulisafiri kutoka Kadesh-barnea, hata tulipokwisha kuvuka kijito cha Zeredi, ulikuwa miaka thelathini na minane; mpaka kizazi chote cha watu wa vita kilipokuwa kimeangamizwa kutoka kati ya jeshi, kama Bwana alivyowaapia. Kumbukumbu la Torati 2:13, 14.