Ang Basahon ni Daniel - Numero Sais

Sa dili pa nato hisgutan ang ikatulong kapitulo sa Daniel, atong pagahunahunaon ang pipila ka simbolismong propetiko nga mahimong motugot kanato sa mas bug-os nga pagsabot sa maong kapitulo. Si Daniel, Hananiah, Mishael ug Azariah gigamit sa Balaang Espiritu sa pagrepresentar sa piho nga mga simbolong propetiko, sumala sa konteksto diin sila gigamit. Sa unang kapitulo, sila gipakita ingon nga upat ka mga takus, nga walay kalainan tali kanila, hangtod sa katapusan sa kapitulo, diin si Daniel giila nga adunay gasa sa “pagsabot sa tanang mga panan-awon ug mga damgo.”

Sa unang kapitulo, ingong simbolo sa “upat” sila nagrepresentar sa katawhan sa Dios sa ulahing mga adlaw sa tibuok kalibotan. Ang “upat” maoy simbolo nga nagpasabot sa tibuok kalibotan, ug ang tanang mga manalagna naghisgot mahitungod sa ulahing mga adlaw. Ang upat ka mga takus diha sa unang kapitulo nagrepresentar sa katawhan sa Dios sa ulahing mga adlaw, ug sa bersikulo disi-siyete usa ka pagkalahi ang unang gihimo tali kang Daniel ug sa tulo ka mga takus nga nagrepresentar sa simbolo sa “kombinasyon sa tulo ug usa.”

Ang simbolo sa usa ka “kombinasyon nga tulo-ug-usa” makita sa makadaghang higayon sulod sa dinasig nga pulong. Kini nagrepresentar sa pipila ka mga kamatuoran, sumala sa konteksto. Kini nagrepresentar sa kasaysayan sa mga mensahe sa tulo ka mga manolunda nga nagsugod sa “panahon sa katapusan” niadtong 1798, ug nga matapos sa panapos sa panahon sa pagsulay. Ang tulo ka mga mensahe girepresentahan na sa kalihokan sa unang manolunda, ug kana nga kalihokan gisundan sa ikaupat nga manolunda sa Pinadayag napulog-walo, busa usa kini ka kombinasyon nga tulo-ug-usa.

Sa pipila ka mga konteksto, kini mahimong magrepresentar sa kalihokan sa mensahe sa unang manulonda sa kasaysayan sa mga Millerite pinaagi sa numero uno, inubanan sa kalihokan sa mensahe sa ikatulong manulonda pinaagi sa numero tres. Busa, ang “kombinasyon nga tulo ug usa” mahimo usab irepresentar ingon nga “kombinasyon nga usa ug tulo”. Ang simbolikong “kombinasyon nga tulo-usa” molihok ingon nga usa ka simbolo pinaagi sa usa—nga nag-una sa tulo, o sa tulo—nga nag-una sa usa. Sa hudno ni Nabucodonosor, sa kapitulo tulo sa Daniel, una natong makita ang tulo ka mga tawong takus, ug dayon ang ikaupat nga sama sa Anak sa Dios.

Walay pagduhaduha nga adunay hingpit nga balaan nga hinungdan, ug tukmang kamatuorang pangkasaysayan, nga makapahibalo kanato nganong si Daniel wala mahisakop sa seremonya sa pagsimba sa bulawang larawan diha sa ikatulong kapitulo; apan ang usa ka hinungdan nga mapanagnaon mao nga kon si Daniel mitambong unta, gubaon unta niya ang mapanagnaong simbolismo sa kombinasyon nga tulo ug usa diha sa hudno nga nagdilaab sa kalayo. Kang Gideon, si Gideon ug ang iyang tulo ka pundok nga tagsa ka usa ka gatus ka mga tawo. Si Cristo sa makadaghang higayon kauban sa tulo ka mga tinun-an.

Usa ug tulo, o tulo ug usa; mao ra kini nga simbolo, kay silang tanan nagrepresentar sa usa ka profetikong elemento sa katapusang mga adlaw, ug ang katapusang mga adlaw mao ang mga adlaw sa paghukom. Ang mga adlaw sa paghukom nagsugod niadtong 1798, uban sa pagpahibalo nga ang investigatibong paghukom magsugod sa Oktubre 22, 1844. Ug ang mga adlaw sa paghukom nagapadayon hangtod nga ang panahon sa pagsulay sa tawo magsugod sa pagsira sa haduol nang moabot nga balaod sa Domingo, samtang ang ehekutibong mga paghukom sa Dios magsugod ug sa hinay-hinay modako ang kabangis hangtod nga ang panahon sa pagsulay hingpit nang masira ug mahitabo ang pito ka ulahing mga hampak. Sa hudno ni Nabucodonosor, ang tulo ka takus, nga sa ulahi giuban ni Cristo, nagrepresentar sa bandila. Sa paghalad sa bulawang larawan, ang tanang mga nasod nga naghimo sa emperyo ni Nabucodonosor nanambong.

Ang kapitoan ka tuig sa pagkabinihag ni Daniel maoy laing mahinungdanong simbolo nga angay ilhon, ug kini makita sa makadaghan sa dinasig nga Pulong. Si Jehoiakim hangtod kang Ciro nagrepresentar sa tinuod nga kapitoan ka tuig sa pagkabinihag ni Daniel. Sa ikaduhang Cronicas, ang kapitoan ka tuig nagrepresentar sa yugto nga ang yuta mopahulay ug magakalipay sa iyang mga adlaw nga igpapahulay. Sa Isaias 23, ang kapitoan ka tuig nagrepresentar sa kasaysayan sa Tinipong Bansa gikan sa 1798 hangtod sa balaod sa Domingo, ug sa pagbuhat niana, nagrepresentar usab kini sa magkatakdo nga mga kasaysayan sa sungay sa Republicanism ug sa sungay sa matuod nga Protestantismo. Gipasibo ni Sister White ang kapitoan ka tuig sa usa ka libo duha ka gatus ug kan-uman ka tuig sa papal nga Mangitngit nga mga Kapanahonan.

Sa higayon nga masabtan nga isip usa ka simbolo ang kapitoan ka tuig nagrepresentar usab sa usa ka libo duha ka gatus ug kan-uman ka tuig sa Mangitngit nga Kapanahonan, nan ang hulagway sa “tulo ug tunga ka tuig,” o “kap-atan ug duha ka bulan,” o “panahon, mga panahon ug tunga sa panahon” nga sa simbolikong paagi nagrepresentar sa Mangitngit nga Kapanahonan, mopalapad sa kahulogan ug aplikasyon sa simbolikong kapitoan ka tuig.

Diha sa basahon ni Daniel, ang kapitoan ka tuig giila ingon nga yugto gikan sa paghatag ug gahum sa nahaunang mensahe hangtod sa paghukom. Kana nga yugto naglungtad sa matag balaang kalihokan sa reporma, ug sa ingon, ang kapitoan ka tuig nagrepresentar sa ubang mga linya sa kamatuoran nga dili naghatag ug pagpatin-aw sa elemento sa panahon, kondili naghisgot sa katuyoan sa maong yugto. Pananglitan, ang yugto sa kapitoan ka tuig gihulagway ni Malakias ingon nga yugto sa dihang ang mensahero sa tugon naghinlo sa mga anak ni Levi. Gidugtong ni Sister White ang paghinlo ni Malakias sa mga Levihanon ngadto sa duha ka pagpanghinlo ni Cristo sa templo. Kana nga mao gihapong yugto mao ang yugto sa panahon sa pagsilyo sa usa ka gatus ug kap-atan ug upat ka libo. Kini usab mao ang yugto sa dihang ang ulahing ulan hinayhinay nga ginabubo. Ang mao rang yugto mao usab ang panahon sa pagsulay sa larawan sa mananap, nga nagdala ngadto sa marka sa mananap. Ang yugto mao usab ang matagnaong “adlaw sa pagpangandam,” nga nagadala ngadto sa balaod sa Dominggo, nga mao usab ang “adlaw sa Igpapahulay.” Ang maong yugto naglangkob sa mga panahon sa pagpatibulaag ug sa mga panahon sa pagtigom, nga silang duha mga elemento sa “pito ka panahon.”

Sa basahon ni Daniel, si Jehoiakim usa ka simbolo sa paghatag og gahum sa nahaunang mensahe. May kalabutan sa duha ka hari nga misunod kaniya, siya yano lamang nga nahauna sa tulo ka mga manulonda nga nagdala ngadto sa, ug matapos sa, paghukom. Si Ciro usa ka simbolo dili lamang sa balaod sa Dominggo, kondili siya usab usa ka “timaan” sa kaluwasan. Si Daniel usa ka bahin sa kombinasyong tulo-ug-usa, ug usab kabahin sa upat-ka-pilo nga tibuok-kalibotang representasyon sa katawhan sa Dios. Si Daniel usab usa ka simbolo sa mensaherong Elias ug siya usab naghulagway kang Juan sa basahon sa Pinadayag. Simbolo usab siya sa mga nakadawat sa timri sa Dios. Ang ngalan nga “Daniel” nagkahulogan og “ang maghuhukom sa Dios”, o “ang Dios sa paghukom”, busa siya mao, tungod niini, usa ka simbolo sa paghukom, ug usab sa Laodicea, kay ang Laodicea nagkahulogan og “usa ka katawhan nga gihukman” o “usa ka katawhan nga ilalom sa paghukom”. Ang paghukom sa Laodicea sa katapusan nagasukad sa ilang pagsalikway sa kahibalo nga giablihan sa basahon ni Daniel.

Si Nabucodonosor usa ka simbolo sa republikano ug sa tinuod nga Protestante nga sungay sa Tinipong Bansa sa Amerika, ug simbolo usab siya sa Tinipong Bansa sa Amerika gikan sa sinugdanan niini hangtod sa katapusan niini. Sa dihang moabot kita sa Daniel kapitulo upat ug lima, atong makita nga si Nabucodonosor nagarepresentar sa “panahon sa katapusan” niadtong 1798, ug si Belsasar nagarepresentar sa balaod sa Domingo. Si Nabucodonosor nahimong, sa katapusan sa “pito ka panahon” sa silot, usa ka kinabig nga magmamando nga sama sa nating karnero, apan ang iyang anak miabot sa pagsulti ingon nga usa ka dragon, sa wala pa ang iyang pagkalaglag.

Ang unang kapitulo sa Daniel nagrepresentar sa kasaysayan sa kalihokang Millerite sukad sa Agosto 11, 1840 hangtod sa Oktubre 22, 1844. Nagrepresentar usab kini sa Septiyembre 11, 2001 hangtod sa balaod sa Domingo. Nagrepresentar usab kini sa nahaunang mensahe sa tulo ka mga anghel, nga nagrepresentar usab sa ikaduhang propetikong simbolo sa kasaysayan sa Tinipong Bansa gikan sa 1798 hangtod sa balaod sa Domingo.

Tingali ang labing mahinungdanong representasyon sa Daniel kapitulo uno mao nga kini ang unang butang nga gihisgotan sa manalagnong basahon nga naporma sa basahon ni Daniel ug sa basahon sa Pinadayag nga magkauban. Kini ang una sa tulo ka manalagnong pagsulay nga kinahanglan hingpitong maangkon sa usa ka estudyante sa tagna. Mao kini ang kinahanglan “kan-on” aron mapasar ang mosunod nga mga pagsulay.

Sa sayong sinulat nga Early Writings, ingon sa nahisgotan na labaw sa makausa niining mga artikulo, gipaila ni Sister White ang tulo-ka-ang-ang nga proseso sa pagsulay diha sa kasaysayan ni Cristo sulod sa usa ka parapo, ug unya sa sunod nga parapo iyang gipaila ang tulo-ka-angang nga proseso sa pagsulay diha sa kasaysayan sa mga Millerite. Iyang gipaila nga kadtong anaa sa panahon ni Cristo nga misalikway sa mensahe ni Juan, dili makapahimulos sa mga pagtulon-an ni Jesus. Ang sunod nga parapo nagtugot sa usa ka tawo nga buot makakita, nga ang unang pagsulay alang sa mga Millerite mao si William Miller, nga giila ni Sister White nga gihulagway nang daan pinaagi nilang duha ni Juan Bautista ug Elias. Kining duha ka mga saksi sa unang pagsulay nagapahimutang nga ang Daniel kapitulo uno mao ang mensahe ni Elias. Kon ang kapitulo uno isalikway, walay mahimong kaayohan gikan sa mga kapitulo dos ug tres.

Si Jesus ug ang ikaduhang manulunda misunod kang Juan Bautista ug sa unang manulunda sa ilang tagsatagsa ka kasaysayan. Human kang Jesus mao ang paghukom sa krus, ug ang ikatulong manulunda miabot sa dihang nagsugod ang imbestigatibong paghukom. Ang kapakyasan sa mga tinun-an didto sa krus nagasimbolo sa dakong kapakyasan sa Oktubre 22, 1844. Ang Daniel kapitulo uno mao si Elias, ingon sa girepresentahan ni Juan Bautista ug ni William Miller, apan dili kini mabulag gikan sa mga kapitulo dos ug tres. Sa tingub, kadtong mga kapitulo mao ang walay-katapusan nga maayong balita, nga sa kanunay usa ka tulo-ka-lakang mensahe sa mapanagnaong pagsulay nga nagamugna ug unya nagapabulag sa duha ka hut-ong sa mga magsisimba. Busa, kon kadtong tulo ka kapitulo pagabulagon, mamahimo kana nga laing maayong balita.

Ang unang kapitulo sa Daniel nagaandam sa dalan alang sa mensahero sa tugon aron sa kalit moanhi sa iyang templo, ug kini usab nagrepresentar sa tingog nga nagasinggit sa kamingawan. Ang kamingawan ginarepresentar ingon nga usa ka yugto sa pagkapatlaag, diin ang balaang puloy-anan ug ang panon ginatamakan ilalom sa tiil. Sa Daniel kapitulo uno, si Daniel anaa sa kamingawan, nagkatibulaag ug naulipon. Ang mensahe sa kapitulo uno nagaandam sa dalan alang sa mensahe sa kapitulo dos, diin si Cristo nagaputli ug nagasulod sa tugon uban sa mga anak ni Levi. Ang mga anak ni Levi giila ingon nga simbolo sa pinili nga katawohan sa Dios, kay sila nagtindog nga matinumanon uban kang Moises sa krisis sa bulawanong larawan ni Aaron, ug ang kapitulo tres sa Daniel mao usab ang krisis sa bulawanong larawan.

Si Shadrach, Meshach, ug Abednego sama sa mga Levihanon nga naputli nang daan sa dili pa ang pagsulay sa “hulagway sa mapintas nga mananap” pinaagi sa bulawang larawan. Sa seremonya si Nabucodonosor maoy naghatag sa orkestra, ang bigaon nga Tiro maoy nagaawit sa mga awit, ug ang apostatang espirituwal nga Israel moyukbo ug unya mosayaw nga hubo subay sa musika libot sa bulawang larawan.

Ang mga basahon sa Daniel ug Pinadayag mao ang usa ug mao gihapong basahon, ug si Cristo ingon nga ang Alpha ug Omega karon nagbukhad na sa basahon nga nagrepresentar sa Pinadayag ni Jesu-Cristo. Ang labing unang kamatuoran nga Iyang gibutang niana nga basahon mao ang mga mensahe sa tulo ka mga manulunda. Ang unang tulo ka mga kapitulo sa Daniel mao ang mga mensahe sa tulo ka mga manulunda. Ang mga kamatuoran nga nahisumpay niadtong tulo ka mga mensahe sa mga manulunda diha sa Pinadayag kapitulo katorse, madala ngadto sa kahingpitan sa dihang maila nga una silang gihisgotan sa unang tulo ka mga kapitulo sa Daniel. Sa Pinadayag katorse sila giila ingon nga ang walay-kataposang ebanghelyo, ug sila naglupad sa kalangitan, sa ingon nagaila sa mensahe nga ipresentar ngadto sa tibook kalibotan sa kataposang mga adlaw. Sa unang tulo ka mga kapitulo sa Daniel, gihulagway ang kasinatian sa mga lalaki ug mga babaye nga nagadala niana nga mensahe ngadto sa kalibotan. Ang Pinadayag katorse mao ang panggawas nga linya sa kamatuoran, nga nagrepresentar pinaagi sa mga simbolo sa mensahe sa tulo ka mga manulunda. Ang walay-kataposang ebanghelyo, ug ang mensahe sa matag usa sa tulo ka mga manulunda, madala ngadto sa kahingpitan pinaagi sa sulod nga linya sa kamatuoran nga girepresentahan sa unang tulo ka mga kapitulo sa Daniel.

Ang unang tulo ka mga kapitulo nagrepresentar ug daghang kahibulongang mga kamatuoran, ug usa sa mga kamatuoran mao nga ang tulo ka mga mensahe usa ka tulo-ka-hagdan nga proseso sa pagsulay nga naglangkob sa usa ka pagsulay sa pagkaon, nga gisundan sa usa ka pagsulay sa panan-aw, nga gisundan usab sa usa ka litmus nga pagsulay. Sa walay pagduhaduha, aduna pay ubang mga paagi sa pagngalan niadtong tulo ka mga pagsulay, apan kadtong mga ngalan sayon nga makita sa unang kapitulo, ug makita kini pag-usab sa mga kapitulo uno hangtod tres. Ang tulo ka mga kapitulo kinahanglang ilhon nga magkauban isip usa ka simbolo.

Dili mahinungdanon kon usa lamang ka adlaw, o usa ka semana, o baynte ka tuig ang milabay tali sa tinuod nga kasaysayan sa ikaduhang kapitulo ug sa ikatulong kapitulo; sa simbolikong paagi, kini naghulagway sa nagpadayon nga pagsulay sa tulo ka pagsulay. Si Nabucodonosor nadani ug nahibulong nga ang Dios, pinaagi sa propeta nga si Daniel, makahibalo sa iyang damgo, ug makahatag sa ingon ka lig-on nga paghubad sa damgo nga kini masabtan lamang ingon nga kamatuoran. Apan sa ikatulong kapitulo, si Nabucodonosor napakyas sa ikaduhang pagsulay sa ikaduhang kapitulo, kay iyang gituyo nga ipahimutang ang iyang kaugalingong mapahitas-on nga tawhanong tinguha ibabaw sa kahibulongang pagpadayag sa gahum sa Dios, nga nagpaila sa balaang kahulogan sa tinagong damgo.

Sa pagpatindog sa bulawang larawan sa ikatulong kapitulo, napakyas siya sa ikatulong—litmus test. Si Shadrach, Meshach ug Abednego nakapasar sa litmus test. Si Nabucodonosor midawat sa marka sa mananap ug ang tulo ka takus midawat sa selyo sa Dios. Ang unang tulo ka kapitulo sa Daniel kinahanglan sabton sulod sa konteksto sa tulo ka mga manulunda sa Pinadayag 14. Bisan unsa kasayon ang maong tulo ka kapitulo, kay tin-aw kaayo kini nga kasagarang gamiton sila ingon nga mga sugilanon alang sa Cristohanong mga bata, sa pagkatinuod nagrepresentar sila, tingali, sa labing halalum nga tulo ka kapitulo sa Pulong sa Dios.

Magpadayon kita sa Daniel kapitulo tres sa sunod nga artikulo.